სამოდელო გაკვეთილები

      სამოდელო გაკვეთილი  ქართულში .            (III-IV კლასი ,  კლასკომპლექტი)

პედაგოგი:  შორენა მჭედლიძე
საგანი:        ქართული ენა	კლასი:  III- IV - კლასები (კლასკომპლექტი)
თემა:   III-კლასი -  თეორია იგავი               IV- კლასი-,,მგელი და კრავი“	დრო:  45 წთ
გაკვეთილის ტიპი: გამჭოლი კომპეტეციების განვითარებაზე ორიენტირებული სამოდელო გაკვეთილი
მოსწავლეთა პროფილი:  III-კლასი - 2 მოსწავლე                                                   IV- კლასი- 4 მოსწავლე
გაკვეთილის ამოცანები/სწავლების შედეგები (ცოდნა, უნარ-ჩვევები, დამოკიდებულებები): ·         მოსწავლეები გაეცნობიან ახალ ლიტერატურულ ნაწარმოებს და გამოხატავენ საკუთარ დამოკიდებულებას;მოსწავლეები განივითარებენ სწორი და გამომეტყველებითი კითხვის უნარ-ჩვევას; ·         გაიმდიდრებენ ლექსიკური მარაგს და შეძლებენ ახალი ლექსიკური ერეულების  ადეკვატურად გამოყენებას; ·         შეძლებენ მცირე ზომის ტექსტის შექმნას; ·         შეძლებენ პერსონაჟის ძირითადი თვისებების გამოკვეთას, მათ დახასიათებას, დასაბუთებას ტექსტიდან და ინფორმაციის დახარისხებას; ·         განივითარებენ მარტივი ფუნქციური ნაწერის შექმნის უნარს;
ეროვნული სასწავლო გეგმის სტანდარტი: III-კლასი -  ქართ.დაწყ.(I).10. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მაორგანიზებელი ელემენტების, სტრუქტურული და კომპოზიციური მახასიათებლების ამოცნობა. ქართ.დაწყ.(I).11. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების ლექსიკურ და სემანტიკურ მხარეზე, ენობრივ ფორმებზე დაკვირვება. . IV- კლასი   ქართ.დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა, გაგება-გააზრება და გადმოცემა. ქართ.დაწყ.(I).3. მოსწავლემ უნდა შეძლოს პირადი დამოკიდებულების გამოხატვა ტექსტის თემის, მასში განხილული საკითხების მიმართ; მხატვრული ნაწარმოების პერსონაჟ(ებ)ის, მისი/მათი ქცევის შეფასება და საკუთარი თვალსაზრისის ახსნა. ქართ.დაწყ.(I).7. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების წაკითხვა და გაგება-გააზრება; ტექსტში ვერბალური და არავერბალური ფორმით მოწოდებული ინფორმაციის (მაგ., ილუსტრაციისა და ტექსტის) ურთიერთადაკავშირება. ქართ.დაწყ.(I).8. მოსწავლემ უნდა შეძლოს მცირე ზომის მხატვრული ტექსტების ინტეპრეტირება ვერბალური და არავერბალური გზით (მაგ., პანტომიმით, ჟესტებით, მიმიკით, როლური თამაშით); ვერბალური ინფორმაციის ვიზუალურად გარდაქმნა და/ან პირიქით. ქართ.დაწყ.(I).9. მოსწავლემ უნდა შეძლოს წაკითხული ტექსტის მიმართ პირადი დამოკიდებულების გამოხატვა და ახსნა; ტექსტის თემის და/ან მასში განხილული კონკრეტული
მოსწავლეთა ორგანიზების ფორმები: მასწავლებელი მუშაობს მთელ კლასთან. მოსწავლეები მუშაობენ ინდივიდუალურად. მოსწავლეები მუშაობენ წყვილებში. მოსწავლეები მუშაობენ ჯგუფურად.
გაკვეთილზე გამოყენებული ძირითადი მეთოდები და აქტივობები: ü  „ასოციაციის რუკის“ მიხედვით წინარე ცოდნის გააქტიურება; ü  ვარაუდები სათაურის მიხედვით; ü  ინტერნეტის საშუალებით ტექსტის მოსმენა ü  ელექტრონული რესურსის -,,გამოიცანი ფრაზა” გამოყენება. ü  ახალი ლექსიკური ერთეულების შემოხაზვა ტექსტში; ü  პერსონაჟის რუკის შევსება; ü  მცირე საკლასო დისკუსია;
სასწავლო მასალა და რესურსები (ტექსტი, თვალსაჩინოება, მულტიმედია, ინტერნეტრესურსი და სხვა) ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-3  კლასის სახელმძღვანელო ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-4  კლასის სახელმძღვანელო     მასწავლებლის მეთოდური სახელმძღვანელო -  ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-3  კლასი. ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-4  კლასი აქტივობის რვეული; ბუკი.        G-PRIED-ის სასწავლო-მითოდოლოგიური რესურსების კრებული ,,კითხვისა და წერის სწავლება დაწყებით საფეხურზე“ (I-VI კლ.)   ვიზუალური სქემები და გრაფიკული ორგანიზატორები  ვიდეო-სესიები, პორტალი ,,კარგი სკოლა“  კომპიუტერი, პროექტორი ელ. რესურსი:https://learningapps.org/display?v=phbo1dq0t18  დაფა, ცარცი, ფანქარი, პროგრამები: word; power point
გაკვეთილის მსვლელობა
I ფაზა - წაკითხვისთვის მომზადება     ( 10 წთ )                       პროექტორის გამოყენებით თემისა და მიზნის განსაზღვრა.                   აქტივობა N1-  ( მონაწილეობს ორივე კლასი) „ასოციაციური რუკის“ გამოყენებით წინარე ცოდნის გააქტიურება. მასწავლებელი სვამს შემდეგ კითხვებს: (- პასუხობს მე-4 კლასი.) -         რა არის იგავი ?  (სავარაუდო პასუხი: იგავ ი დამრიგებლური ხასიათის, ჭკუის სასწავლებელი ნაწარმოებია. მისი მოქმედი პირები ხშირად ცხოველები და ფრინველები არიან, მაგრამ ადამიანები იგულისხმებიან) -         რას უწოდებენ იგავის ავტორს? ( სავარაუდო პასუხი: იგავის ავტორს მეიგავეს უწოდებენ) -         რომელ მეიგავეებს ვიცნობთ? ( სავარაუდო პასუხი:  საქართველოში ცნობილია სულხან-საბა ორბელიანის იგავები, ასევე ვიცით ძველი ბერძენი მეიგავე- ეზოპე.)     მასწავლებელი მინი ლექციით ამყარებს მოსწავლეების პასუხს: იგავი ხშირ მოთხრობას ჰგავს, მაგრამ სინამდვილეში მისგან განსხვავდება. იგავი აუცილებლად რაღაცას გვასწავლის, გვარიგებს. იგავის ავტორი შეიძლება ცხოველებისა და ფრინველების შესახებ გვიამბობდეს, მაგრამ ადამიანებს გულისხმობდეს. (პასუხობს ორივე კლასი) -          როგორი ცხოველია კრავი? ( სავარაუდო პასუხები: წყნარი, მშვიდი, უწინარი, უმწეო, დაუცველი.) -         მგელი როგორია? ( სავარაუდო პასიხები: საშიში, მტცებელი, ვერაგი, დაუნდობელი.) -         ჩვეულებრივ, რა დამოკიდებულებაა მგელსა და კრავს შორის? ( სავარაუდო პასუხები: მგელი კრავს  ყოველთვის ერჩის, მგელი კრავს იტაცებს და ჭამს.)   აქტივობაN2- ( მონაწილეობს ორივე კლასი)        მასწავლებელი წერს დაფაზე გაკვეთილის სათაურს „მგელი და კრავი“ და აჩვენებს ილუსტრაციას. მოსწავლეები ილუსტრაციისა და სათაურის მიხედვით გამოთქვამენ ვარაუდებს რაზე შეიძლება იყოს იგავი. -         რაზე შეიძლება იყოს იგავი? ( სავარაუდო პასუხები: მგელი  და კრავი მდინარის პირას შეხვდებიან, მგელი კრავს  მოიტაცებს და შეჭამს.) მასწავლებელი ყურადღებას გაამახვილებინებს იგავის ფორმაზე. ფორმის თვალსაზრისით, შეადარებინებს ,, მგელსა და კრავს“ სულხან საბას იგავებთან. -         სავარაუდო პასუხი: ამ იგავს ლექსისი ფორმა აქვს,/ აქ ამბავი გალექსილია, სულხან საბას იგავები კი პატარ-პატარა, მოთხრობებია, პროზაული ნაწარმოები.)                აქტივობა N3 -( მონაწილეობს ორივე კლასი)   დაფაზე ასევე მაგრდება სიტყვის ბარათები, ახალი ლექსიკური ერთეულები ტექსტიდან: წყურვილის მოკვლა (წყლის დალევა) საჭირბოროტოდ  (სადარდებლად, თავში საცემად) გამოიგონა შარები ( ტყუილი ბრალი დასდო, მოიგონა ტყუილები) უწმინდურსაო-( ბინძური, უსუფთაო) ჩაკვრეხა - (კვეხით შეჭმა, ჩახრამუნება)       რომლებიც სათითაოდ დამუშავდება,
II ფაზა - კითხვის დროს       (10-წთ)   აქტივობა N4 – ( ორივე კლასი)   ჯერ მასწავლებელი აჩვენებს მულტფილმის ,, მგელი დაკრავი“ იმ მონაკვეტს სადაც,იგავის ტექსტია მოცემული, შემდეგ მოსწავლეები კითხულობენ. მაწავლებელი ბავშვებს სთავაზობს, სტროფების გასწვრივ ფანქრით მიაწერონ პერსონაჟთა სახელები, რათა კარგად გაარკვიონ, რომელი პერსონაჟი რას ამბობს.
III ფაზა - წაკითხვის შემდეგ  ( 20 წთ)       აქტივობა N5   – ( ორივე კლასი)   წაკითხვის შემდეგ, წაკითხულის გააზრების შესამოწმებლად, მასწავლებელი სხვადასხვა დონის შეკითხვებით ააანალიზებინებს ახალ ინფორმაციას, ახარისხებენ მათ, საუბრობენ ტექსტის შესახებ:     -  სად შეხვდნენ ერთმანეთ კრავი და მგელი? ( სავარაიდო პასუხი: მდინარის პირას.)    -  მგელმა ,, გამოიგონა შარები“ -რატომ მოიქცა ასე? ( სავარაუდო პასუხი: მგელმა ბრალდებები გამოიგონა. მან ტყუილად დაადანაშაულა კრავი, რათა შემდეგ შეეჭამა.)    - ჩამოთვალე სამი ბრალდება , რომელიც მგელმა კრავს წაუყენა. ( სავარაუდო პასუხები: წყლის ამღვრევა, ძველი წენა, კრავის ძმის დადანაშაულება.)        მასწავლებელი  თხოვს მე-3 კლასის მოსწავლეებს ,  სათითაოდ გამოვინენ და  მიაკრან დაფაზე  წებოვან ფურცელზე ამოწერილი მიმართვის ფორმები. ( სავარაუდოს ამოწერი ექნებათ-,, ბატონო“, ,, ჩემო ხელმწიფევ’’.)   რა სასვენი ნიშნით არის მიმართვა, წინადადების სხვა სიტყვებისაგან? ( სავარაუდო პასუხი:  მიმართვის მიმართვა გამოყოფილია მძიმით) მასწავლებელი მიმართავს  მე-4 კლასის მოსწავლეებს.    - კრავი ასე მიმართავს მგელს: ,, ბატონო“, ,, ჩემო ხელმწიფევ’’. რისი გამომხატველის ამგვარი მიმართვა? ( სავარაუდო პასუხები: პატივისცემის, მორიდების, მოკრძალების, თავმდაბლობის.)               აქტივობა N6 (ორივე  კლასი)   მასწავლებელი მოსწავლეებს „გამოკრებით კითხვის“ საშუალებით  ჯგუფებში  სთხოვს მოძებნონ ადგილი, სადაც : I ჯგუფი- მგელი ძალიან უხეშად მიმართავს კრავს და  ამცირებს მას. ( სავარაუდო პასუხები: ,, შე ბრიყვო!“, ,, შიგ ჰყოფ ტუჩს უწმინდურსაო!’’, ,, ნუ წაგიგდია ენაო! ხმა ჩაიკმინდე ჩქარაო!’’ და მისთ.) II ჯგუფი -კრავი ცდილობს თავი შეაცოდოს მგელს.( სავარაუდო პასუხები: ,, რას მერჩით მე საწალსაო“, ,, ჯერ ერთი წლისაც არა ვარ“. აქტივობა N7(ორივე  კლასი)   მასწავლებელი სვამს არჩევითი პასუის მქონეშ ეკითხვას და სთხოვს დაასაბითონ თავიანთი მოსაზრება. -         თქვენი აზრით, კრავი ა) მგლის ბრალდებებს ჭკვიანურად პასუხობს. ბ) შიშისაგან დაიბნა და ხმას ვერ ღებს. გ) შეშინებულია და მგლის ბრალდებებს აბნეულად პასუხობს. ( სწორი პასუხია ა).)            აქტივობა N8  (მონაწილეობს ორივე კლასი)     მასწავლებელი სთხოვს მოსწავლეებს , გაიხსენონ  ,,მე და საძოგადოებაში ნასწავი  და უპასუხონ შეკითხვას. -         რა არის კანონი? ( სავარაუსო პასუხი: კანონი არის წესების ერთობლიობა, რომელიც მიგვითითებს, რისი გაკეთება შეუძლია ან არ შეუძლია ადამიანს.კანონის დაცვა ყველასთვის სავალდებულოა. მისი შეუსრულებნობა დასჯადია.) -          რა არის კასნონის ძირითადი მიზანი? ( სავარაუდო პასუხი: კანონის ძირითადი მიზანია  ადამიანის უფლების დაცვა.) -         როგორ იყენებს მგელი კანონს?( სავარაუდო პასუხი: მგელი კანონს უტუფრად, თავხედურად იყენებს თავისი ვერაგული ზრახვების გასამართლებლად.) -         მგლის რომელ სითყვებში გამჟღავნდა საბოლოოდ მისი ზრახვები? ( სავარაუდო პასუხი: ,,მომწყინდა შენი ბღავილი, ხმა  ჩაიკმინდე ჩქარაო! შენი  ჩაკვრეხა რომ მნებავს, მიზეზად ისიც კმარაო!“ -         მიუხედავად დიდი მცდელობისა, უმწეო კრავი ბოლოს მაიც მგლის მსხვერპლი ხდება. შენი აზრით, ვინ ან რამ უნდა მოაწესრიგოს  მდგომარეობა? რაშია გამოსავალი? ა) ადამოანი თვითონ უნდა იყოს ფიზიკურად ძლიერი, რომ ოველთვის მოახერხოს საკუთარი თავის დაცვა. ბ) უნდა გყავდეს ძლიერი მარველი, რომელიც ყოველთვის დაგიცავს, მართალი იქნები თუ მტყუანი. გ) უნდა არსებობდეს კანონი, რომელიც შენს სამართალს დაიცავს. პასუხის არჩევის შემდეგ, ბავშვები ასაბუთებენ თავიანთ პასუხს.          აქტივობა N9 (მონაწილეობს ორივე კლასი)  იგავის დედააზრის  გამოსაკვეთად , მოსწავლეები იყენებენ ელექტრონულ რესურსს ,, გამოიცანი ფრაზა“ https://learningapps.org/display?v=phbo1dq0t18 აქტივობა N10 ავსებენ პერსონაჟის  რუკას ჯგუფურად. აფასებენ საკუთარ მუშაობას. ახალი ლექსიკური ერთეულების ბარათებს ათავსებენ „ახალი სიტყვების სკივრში“.-
შეფასება  (5წთ)-- განმავითარებელი: მასწავლებლის შეფასება;                                                                    თვითშეფასება;                                                                    ურთიერთშეფასება                                                                    მოსწავლეების მიერ მასწავლებლის შეფასება https://padlet.com- ის                                                                                                                                                   მეშვეობით.

                                            მოსწავლის შეფასების რუბრიკა

მოსწავლე	მაღალი	საშუალო	დაბალი	შენიშვნა
აქრიურადაა ჩართული საგაკვეთილო პროცესში	ყოველთვის მონაწილეობს	ხშირად მონაწილეობს	იშვიათად  ან საერთოდ არ მონაწილეობს
საკუთარი აზრს მკაფიოდ, დასაბუთებულად აფიქსირებს.	ყოველთვის დამაჯერებლად და არგუმენტირებულად წარმოადგენს თავის მოსაზრებას	ხშირად ახერხებს საკუთარი აზრის დასაბუთებას	უჭირს გამართულად საუბარი, ხშირად ვერ ასაბუთებს საკუთარ აზრს
სხვისი აზრის პატივისცემის დემონსტრირება	უსმენს სხვებს და საკუთარ მოსაზრებას გამოთქვამს მოსმენილზე დაყრდნობით.	უსმენს სხვებს და აცდის საუბრის დამთავრებას	არ უსმენს სხვებს და არ აცდის საუბრის დამთავრებას
ტექსტში ახარისხებს ინფორმაციას	ყოველთვის, დავალების შესაბამისად , ახარისხებს ინფორმაციას.	ახარისხებს ინფორმაციას, მაგრამ ზოგჯერ აცდენილია დავალებას.	უჭიეს ტექსტში ინფორმაციის დახარისხება.

                                                     

მასწავლებლის  თვითშეფასების რუბრიკა
კრიტერიუმები	დიახ	ნაწილობრივ	არა	შენიშვნა/ კომენტარი
მიაღწიეს თუ არა მოსწავლეებმა ესგ-ით გათვალისწინებულ შედეგს?
გამოყენებული სტრატეგიებით მივაღწიე მოსწავლეთა ინტერაქციას?
სააზროვნო დონეების მიხედვით გათვლილი შეკითხვებით გავედი მისაღწევ შედეგზე?
გაკვეთილის მსვლელობისას შევცვალე გაკვეთილის გეგმა?
რაზე მიმანიშნებს მოსწავლეთა ნამუშევრები/ პასუხები / ინტერაქცია; -----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
ამავე გაკვეთილის ხელახლა ჩატარებისას რას შევცვლიდი და როგორ? ------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

                                                                            

                               სამოდელო გაკვეთილის რეფლექსია

საგანი: ქართული ენა

კლასი: ( კლასკომპლექტი)

პედაგოგი : შორენა მჭედლიძე

თარიღი: 19.12.2018

     

       ჩემ მიერ ჩატარებული გაკვეთილი III-IV  კლასში იყო სამოდელო, რომელიც   გამჭოლ კომპეტენციებზე იყო ორიენტირებული.

       გაკვეთილი წარიმართა  წინასწარ შედგენილი გაკვეთილის გეგმის მიხედვით. მის მთავარ მიზანს  წარმოადგენდა ნაწარმოების წაკითხვა, გააზრება და საკუთარი დამოკიდებულების გამოხატვა, ახალი ლექსიკური ერთეულების ადეკვატურად გამოყენება, მარტივი საკომუნიკაციო ტექსტის შექმნა ილუსტრაციის მიხედვით, ახალი ინფორმაციის დახარისხება და უკვე ნასწავლ ნაწარმოებებს შორის პარალელის გავლება იყო. გაკვეთილის თემა ესადაგებოდა სასწავლო წლის პროგრამულ მასალას  და პასუხობდა  ეროვნული სასწავლო გეგმით გათვალისწინებულ სტანდარტს. მოსწავლეებსაც ჰქონდათ შესაბამისი წინარე ცოდნა, რომელიც არაჩვეულებრივად წარმოაჩინეს გაკვეთილის სამივე ფაზაში.
     III-IV  კლასელთათვის განსაკუთრებით მნიშვნელოვანია ტექსტის გაგება-გააზრებისათვის საჭირო სტრატეგიებისა და უნარ-ჩვევების დაუფლება. ჩემი, როგორც პედაგოგის მიზანი არის მოსწავლეები  ჩამოყალიბდნენ კარგ მკითხველებად, იყვნენ პოზიტიურად განწყობილნი კითხვის პროცესის მიმართ. იმისათვის, რომ დასახული მიზნისთვის მიმეღწია და კითხვის პროცესი საინტერესო ყოფილიყო გაკვეთილზე გამოვიყენე რამდენიმე აქტივობა:
                                                                 გაკვეთილის პირველ  ფაზაში  გამოვიყენე აქტივობები:
  1.  1-ლი   აქტივობა - „ასოციაციური რუკის“ გამოყენება . მიზანი იყო  წინარე ცოდნის გააქტიურება.

2.   მეორე  აქტივობა  - სათაურის,ა  და  ილუსტრაციის  მიხედვით  ვარაუდების  გამოთქმა,  თუ  რაზე  შეიძლება ყოფილიყო  ტექსტი. - ეს  აქტივობა  ამ ასაკის  მოსწავლეებში ძალიან  საინტერესოა., ხელს უწყობს  ფანტაზიის  განვითარებას  და  გაბმული  თხრობის  უნარ-ჩვევის  ჩამოყალიბებას.
3. მესამე აქტივობა- „ლექსიკურ  ერთეულებზე  მუშაობა“ -  ამ აქტივობის მიზანი  წინარე  ცოდნის  გააქტიურებასთან  ერთად  იყო  ისიც,  რომ  მოსწავლეებისათვის   კითხვის დაწყების პროცესში  უკვე  ყველა  სიტყვის  მნიშვნელობა  კარგად  უნდა  ყოფილიყო  ცნობილი  და  მათი ადეკვატურად    გამოყენებაც  შეძლებოდათ. ეს ყოველივე  მოსწავლეებმა  შეძლეს  ლექსიკური ერთეულების  მიხედვით
                                            

                                                                       გაკვეთილის  მე-ორე  ფაზაში  გამოვიყენე  აქტივობები:
4.  მე-4  აქტივობა - მულტფილმის  ,,მგელი და კრავის“  ჩვენება   და  შემგდეგ, მოსწავლეების  მიერ ტექსტის წაკითხვა.                                                                      

                                                                       გაკვეთილის მესამე  ფაზაში გამოვიყენე აქტივობები

5.  მე-5  აქტივობა- წაკითხულის გააზრების შესამოწმებლად,   სხვადასხვა  დონის  შეკითხვები ახალი ინფორმაციის გასაანალიზებლად,   დასახარისხებლად  და  საუბარი ტექსტის შესახებ.
6. მე-6  აქტივობა - „გამოკრებითი კითხვის“ მეთოდი, მიზანი საკუთარი აზრის დასაბუთება ტექსტის მიხედვით და ინფორმაციის დახარისხება.

7.  მე-7 აქტივობა- არჩევითი პასუხის დავალება და საკუთარი აზრის დასაბუთება.

8. მე-8 აქტივობა- კავშირი     ,,მე  და საზოგადოებაში“ ნასწავლა თემასთან და  თანამედროვეობასთან.   ვარაუდები ს გამოთქმა, რაშია  გამოსავალი  და  საკუთარი აზრის  დასაბუთება.

  9 . მე-9 აქტივობა- ელექტრონული რესურსის ,, გამოიცანი ფრაზა“ გამოყენება დედააზრის  გამოსაცნობად.https://learningapps.org/display?v=phbo1dq0t18
10. მე-10  აქტივობა-( პერსონაჟის  რუკის  შევსება) -  აღნიშნულმა აქტივობამ  მოსწავლეებს  ხელი შეუწყო  დაეხარისხებინათ  ახალი  ინფორმაცია  და  გამოეკვეთათ  პერსონაჟთა  ძირითადი  თვისებები   და , რაც  მთავარია, დაესაბუთებინათ ტექსტიდან, რაც შეასრულეს  წყვილებში მუშაობისას .
11. მე-11 აქტივობა -  საზიარო  დაფა- https://padlet.com  .  აღნიშნული  აქტივობის  მიზანი  მოსწავლეთა   აზრის  გათვალისწინება იყო  მომდევნო  გაკვეთილის  დაგეგმვისას.
      რაც  შეეხება  საგაკვეთილო პროცესის  მიმდინარეობას,  ვთვლი , რომ  გაკვეთილის ფაზები  დავიცავი, მითითებულ დროშიც ჩავეტიე , მოსწავლეები  აქტიურად იყვნენ  ჩართულები ყველა აქტივობაში.  თუმცა მცირე შეფერხება იყო  მულტფილმის  ჩართვისას  და  საზიარო დაფის  გამოყრნებისას  ინტერნეტიის გამო  ცოტა შეფერხება გვქონდა.  მულტფილმის შემთხვევაში, მომოწია აქტივობების  გადანაცვლებამ,  სანამ  ინტერნეტი  ამუშავდებოდა. საზიარო დაფის - https://padlet.com  -ის  ჩართვისას კი ,ზეპირი შეფასებით  შევავსეთ  დრო., ხოლო კომენტარები  გაკვეთილის დასრულების შემდეგ დაწერეს.

       ვერ გამოვყოფ  რომელი  აქტივობა უფრო  ინტერესით  შეასრულეს ბავშვებმა , რადგან  ვთვლი,  რომ  გაკვეთილის სამივე  ფაზაში  დიდი  პასუხისმგებლობით  მიუდგნენ  თითოეული აქტივობის  შესრულებას.  ბავშვები  გამოთქვამდნენ საკუთარ  აზრს, იცავდნენ ქცევის  წესებს ,  კლასში იყო პოზიტიური გარემო,  მოსწავლეები  ცდილობდნენ  დადებითი შთაბეჭდილება  მოეხდინათ  სტუმრებზე  და  ესიამოვნებინათ  მასწავლებელიც.  მოსწავლეები  ობიექტურები იყვნენ  ურთიერთშეფასების  და თვითშეფასების დროსაც , რომელიც  თანამშრომლობითი და  საკომუნიკაციო  უნარების  განვითარების  მიზნით  გამოვიყენე. 
        მიუხედავად  იმისა ,  რომ  ძალიან  ვცდილობდი  მოსწავლეები  თანაბრად  ყოფილიყვნენ  ჩართულები  საგაკვეთილო  პროცესში,  ერთი  მოსწავლე  ნაკლებად იყო აქტიური . ფიქრობ,  ვერ  მივეცი  საკუთარი  შესაძლებლობების  სრულად  გამოვლენის  საშუალება.

       მიღებულ  გამოცდილებას გავითვალისწინებ  მომდევნო  გაკვეთილის  დაგეგმვისას  და  აქტივობებს  შევარჩევ  სასურველი რაოდენობით. 

სამოდელო გაკვეთილის გეგმა და რეფლექსია.  ( მე-2)

პედაგოგი:  შორენა მჭედლიძე
საგანი:        ქართული ენა	კლასი:  III- IV - კლასები (კლასკომპლექტი)
თემა:  ,,“                  III-კლასი -  გალაკტიონ ტაბიძის ,, მშობლიურო ჩემო მიწავ...“               IV- კლასი-იაკობ გოგებაშვილის ,, თავდადებული მღვდელი თევდორე“	დრო:  45 წთ
გაკვეთილის ტიპი: გამჭოლი კომპეტენციების განვითარებაზე ორიენტირებული სამოდელო გაკვეთილი
მოსწავლეთა პროფილი:  III-კლასი - 2 მოსწავლე                                                   IV- კლასი- 4 მოსწავლე
მიზნები/ეროვნული სასწავლო გეგმის სტანდარტი. ქართ.დაწყ.(I).3. მოსწავლემ უნდა შეძლოს პირადი დამოკიდებულების გამოხატვა ტექსტის თემის, მასში განხილული საკითხების მიმართ; მხატვრული ნაწარმოების პერსონაჟ(ებ)ის, მისი/მათი ქცევის შეფასება და საკუთარი თვალსაზრისის ახსნა. Ø  მარტივი გამოთქმებით („მომწონს / არ მომწონს“, „საინტერესოა / უინტერესოა“, „ვეთანხმები/ არ ვეთანხმები“, „ერთგულია / მოღალატეა“, „მამაცია / მხდალია“ და ა. შ.) აფასებს ნაწარმოებს, პერსონაჟებს, მათს საქციელს და ცდილობს საკუთარი მოსაზრების ახსნას („არ ვეთანხმები იმიტომ, რომ...“, „საინტერესოა იმით, რომ...“ და ა. შ.). -  ქართ.დაწყ.(I).5. მოსწავლემ უნდა შეძლოს  ზეპირმეტყველების ნაცნობი სტრატეგიების გამოყენება მიზნის შესაბამისად. Ø  იყენებს საყრდენებს/მინიშნებებს (მაგ., შეთავაზებული მარტივი გრაფიკული მაორგანიზებლების) ინფორმაციის დასახარისხებლად; ქართ.დაწყ.(I).6. მოსწავლემ უნდა შეძლოს გაწაფულად კითხვა. Ø  ხმამაღლა, თავისუფლად კითხულობს მასწავლებლის მიერ მითითებულ ეპიზოდს, მცირე ზომის ტექსტებს;   ქართ.დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა, გაგება-გააზრება და გადმოცემა. Ø  ამოიცნობს ტექსტში მოცემულ კონკრეტულ ინფორმაციას; Ø  ახარისხებს ტექსტში მოცემულ ინფორმაციას კონკრეტული ნიშან-თვისებების მიხედვით; Ø  ამოიცნობს ტექსტის სხვადასხვა მონაკვეთში ექსპლიციტურად მოცემულ სხვადასხვა ინფორმაციას, მათ შორის არსებულ ლოგიკურ (მიზეზშედეგობრივ, ოპოზიციურ, სხვ.) კავშირებს; ქართ.დაწყ.(I).7. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების წაკითხვა და გაგება-გააზრება; ტექსტში ვერბალური და არავერბალური ფორმით მოწოდებული ინფორმაციის (მაგ., ილუსტრაციისა და ტექსტის) ურთიერთადაკავშირება. Ø  მოიძიებს კონკრეტულ ინფორმაციას (მაგ., მოვლენათა, მოქმედებათა დროსა და ადგილს); Ø  აკავშირებს ერთმანეთთან ექსპლიციტურად მოცემულ ფაქტებს, მოვლენებს, მოქმედებებს და გამოაქვს სათანადო დასკვნები; Ø  ამოიცნობს ტექსტში გადმოცემულ მოვლენებს, ფაქტებს, მოქმედებებს შორის არსებულ ქრონოლოგიურ და ლოგიკურ (მიზეზშედეგობრივ, ოპოზიციურ, პირობით, დათმობით და სხვა) კავშირებს; Ø  აჯგუფებს ინფორმაციას კონკრეტული ნიშნით (მსგავსება-განსხვავების, მზარდი-კლებადი ხარისხისა და ა.შ. მიხედვით); Ø  ასახელებს მხატვრული ნაწარმოების მოქმედ პირებს, განსაზღვრავს ხედვის კუთხეს (ვისი თვალით არის აღქმული მოვლენები); Ø        მოსწავლემ შეძლოს წინარე ცოდნის გამოყენება, ტრანსფერი.      განუვითარდეს შემოქმედებითი და მეტაკოგნიტური უნარები.
გაკვეთილის ამოცანები/სწავლების შედეგები (ცოდნა, უნარ-ჩვევები, დამოკიდებულებები): ·         მოსწავლეები გაიაქტიურებენ წინარე ცოდნას .განივითარებენ ტრანსფერის უნარს. ·         მოსწავლეები გაეცნობიან ახალ ლიტერატურულ ნაწარმოებს და გამოხატავენ საკუთარ დამოკიდებულებას; ·         მოსწავლეები განივითარებენ სწორი და გამომეტყველებითი კითხვის უნარ-ჩვევას; ·         შეძლებენ ინფორმაციის დახარისხებას. ·         გაიმდიდრებენ ლექსიკური მარაგს და შეძლებენ ახალი ლექსიკური ერეულების  ადეკვატურად გამოყენებას; ·         შეძლებენ პერსონაჟის ძირითადი თვისებების გამოკვეთას, მათ დახასიათებას, დასაბუთებას ტექსტიდან და ინფორმაციის დახარისხებას; ·         განივითარებენ მარტივი ფუნქციური ნაწერის შექმნის უნარს;
მოსწავლეთა ორგანიზების ფორმები: მასწავლებელი მუშაობს მთელ კლასთან. მოსწავლეები მუშაობენ ინდივიდუალურად. მოსწავლეები მუშაობენ წყვილებში. მოსწავლეები მუშაობენ ჯგუფურად.
გაკვეთილზე გამოყენებული ძირითადი მეთოდები და აქტივობები: ü  „ასოციაციის რუკის“ მიხედვით წინარე ცოდნის გააქტიურება; ü  მინიპრეზენტაციები . ü  ახალი ლექსიკური ერთეულების შემოხაზვა ტექსტში; ü  პერსონაჟის რუკის შევსება; ü  მცირე საკლასო დისკუსია; ü  ჩანაწერის მოსმენა და კორექტირება; ü  ტექსტში არსებითი ინფორმაციის გამოკვეთა; ü  ავტორის მიზნის ამოცნობა;
სასწავლო მასალა და რესურსები (ტექსტი, თვალსაჩინოება, მულტიმედია, ინტერნეტრესურსი და სხვა) ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-3  კლასის სახელმძღვანელო ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-4  კლასის სახელმძღვანელო მასწავლებლის მეთოდური სახელმძღვანელო -  ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-3  კლასი. ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-4  კლასი ბუკი.        G-PRIED-ის სასწავლო-მითოდოლოგიური რესურსების კრებული ,,კითხვისა და წერის სწავლება დაწყებით საფეხურზე“ (I-VI კლ.)   ვიზუალური სქემები და გრაფიკული ორგანიზატორები  ვიდეო-სესიები, პორტალი ,,კარგი სკოლა“  კომპიუტერი, პროექტორი ვიდეო პორტაი -https://www.youtube.com/watch?v=0elAuuffSvE პროგრამები: word; power point დაფა, ცარცი, ფანქარი,  თაბახის ფურცელი,
გაკვეთილის მსვლელობა
I ფაზა - წაკითხვისთვის მომზადება    ( 12წთ )                       პროექტორის გამოყენებით თემისა და მიზნის განსაზღვრა. აქტივობა N1-  წინარე ცოდნის გააქტიურება.  ( მონაწილეობს ორივე კლასი) ( 2 წთ) მასწავლებელი თემისა და მიზნის გაცნობის შემდეგ მოსწავლეებს პროექტორის საშუალებით აჩვენებს ცნობილ პერსონაჟების ურჩხულის( ,,მზეთუნახავი და ურჩხული“), დედინაცვალი ( ,,ფიფქია და შვიდი ჯუჯა“), კვაზიმუდოს, ფებუსის ფოტოებს( თუ ბავშვები ვერ იცნობენ პერსონაჟებს, მასწავლებელი ესაუბრება მათზე მოკლედ) და სთხოვს უპასუხონ კითხვებს: რომელია კარგი და რომელი- ცუდი? რა განსაზღვრავს სიცუდესა და რა- სიკარგეს? აქტივობაN2- „ასოციაციური რუკის“ გამოყენებით.( მონაწილეობს ორივე კლასი)( 2 წთ) -         საერთოდ, თქვენი აზრით, რა არის კარგი და რა ცუდი? მოსწავლეები გამოთქვამენ თავიანთ მოსაზრებებს და ავსებენ ,,ასოციაციის რუკას“ და, თუ ბოლოს, ადამიანურ ურთიერთობებს არ გაიხსენებენ, მასწავლებელი თვითონ გაამახვილებს ამ საკითხზე ყურადღებას:   კარგია ურთიერთგატანა, ერთგულება, ნდობა, სიყვარული....    ცუდია: შური ღალატი და ა.შ. აქტივობაN3-   კითხვა-პასუხი.  ( მონაწილეობს ორივე კლასი)(3 წთ) მასწავლებელი სთხოვს მოსწავლეებს  გაიხსენოს ,, მე და საზოგადოებაში“  ნასწავლი მასალა და სვამს შეკითხვას: -         რა არის სამშობლო? ( სავარაუდო პასუხი იქნება: სამშობლო ის ადგილია, სადაც დავიბადეთ, გავიზარდეთ, სადაც ჩვენი  მშობლები ცხოვრობენ.) -         რომელია ჩვენი სამშობლო? ( სავარაუდო პასუხი : საქართველო.)   ამის შემდეგ მასწავლებელი აჩვენებს თვალსაჩინოებებს,-საქართველოს რუკას, გერბს და დროშას რომელიც წინასწარ აქვს კლასში გაკრული და სთხოვს   უპასუხონ:   - რა არის გამოსახული თვალსაჩინოებაზე? ( სავარაუდო პასუხი: თვალსაჩინოებაზე გამოსახულია საქართველოს რუკა, დროშა და გერბი.)    - რა ვიცით  საქართველოს შესახებ? ( სავარაუდო პასუხი იქნება: საქართველო არის ჩვენი სამშობლო, არის ძალიან ლამაზი, აქვს საინტერესო ისტორია, საქართველოში არის ძალიან ბევრი მთა, არის ზღვაც, მდინარეები, ხშირი ტყე, უდაბნოც, ნათელი ტყეებიც,)    - რა გრძნობას იწვევს თქვენში სამშობლო?  მამული?.( სავარაუდო პასუხი: სიხარულს, სიამაყეს .)     - ვის ეწოდება თანამემამულე? ( სავარაუდო პასუხი:   ადამიანი, რომელსაც საერთო სამშობლო აქვს ვინმესთან ერთად.)   -რა საერთო სურვული აქვთ, რა არის ძვირფასი  თანამემამულეებისათვის? ( სავარაუდო პასუხი: თანამემამულეების, ყველა ქართველის საეთო სურვილი არის თავიანთი სამშობლო იყოს ერთიანი, მთლიანი, დამოუკიდებელი.) აქტივობაN4-   საშინაო დავალების გამოკითხვა  ( მონაწილეობს მე-3კლასი)( 3წთ) მასწავლებელი სთხოვს მე-3 კლასელებს გააკეთონ საშინაო დავალების პრეზენტაცია,- ერთი ყვება  გალაკტიონ ტაბიძის  ლექსის ,, მშობლიურო ჩემო მიწავ“.. ნაწყვეტს, ხოლო მეორე არჩევს მას წიგნში მოცემული კითხვების მიხედვით( სავარაუდო პასუხი:    -ოდესღაც,  საქართველოს ტერიტორია გადაჭიმული იყო   შავი ზღვიდან კასპიის ზღვამდე. აქ მუდამ ომი იყო, მაგრამ მტრებმა ვერ მოახერხეს მისი გაქრობა, გადარჩა და  დღემდე არსებობს.        ამ ლექსმა მოგვაგონა საქართველოს ჰიმნის სტრიქონი- ,,ცისკრის ვარსკვლავი ამოდის და ორ ზღვას შუა ბრწყინდება.“ პოეტი საქართველოს პირდება, რომ ყოველთვის დაიცავს მას.)      მასწავლებელი სვამს შეკითხვას: -         რას ვიგებთ ამ ლექსიდან, როგორი იყო საქართველოს მდგომარეობა? (სავარაუდო პასუხი: საქართველოში იყო სულ ომი, ქართველებს განუწყვეტლივ უწევდათ ბრძოლა მტრების წინააღმდეგ.) -         როგორ იქცეოდნენ  ქართველები, რას აკეთებდნენ საქართველოსთვის?( სავარაუდო პასუხი: ქართველები ყოველთვის იცავდნენ და ,თუ საჭირო გახდებო, სწირავდნენ თავს მისთვის.) აქტივობაN5-   ( აქტიურობს მესამე კლასი)(2წთ) მასწავლებელი ისევ შეახსენებს მოსწავლეებს ,, მე და საზოგადოებაში“ ნასწავლ მასალას და  სვამს შეკითხვებს:   -ვინ არიან ჩვენი წინაპრები? ( სავარაუდო პასუხი:  წინაპრები არიან  ჩვენი დიდი ბებიები და ბაბუები.)     მასწავლებელი იყენებს მინი ლექციას.    -    გარდა იმისა, რომ თითოეულ ჩვენგანს საკუთარი წინაპარი გვყავს, ყველას გვყავს საეთო წინაპრები, რომლებიც იცავდნენ ჩვენს ქვეყანას და თავს წირავდნენ  მისთვის. ისინი განთქმულნი იყვნენ ვაჟკაცობითა და სიმამაცით, გმირულად იბრძოდნენ  სამშობლოს დასაცავად.         სამშობლოს, ქვეყანას სადაც დაიბადე, ისევე როგორც მშობლებს, არ ირჩევ. მაგრამ შეგნებულად რომ შეიყვარო ის, უნდა იცოდე შენი სამშობლოს, შენი სახელოვანი წინაპრების  ისტორია.  მასწავლებელი  კვლავ სვამს შეკითხვას: -         რა არის ისტორია? ( სავარაუდო პასუხი: ისტორია არის მეცნიერება საზოგადოების წარსულის შესახებ,( მოთხრობები წარსულზე, ადამიანებზე წარსულიდან. მოგვითხრობს ამბებს: კეთილსა და ბოროტებაზე, სასიხარულოსა და სამწუხაროზე.) -          რა ვიცით ჩვენის სამშობლოს ისტორიის შესახებ, როგორი ურთიერთობა ჰქონდა მას მეზომელ ქვეყნებთან?( სავარაუდო პასუხი: საქართვევლოს ხშირად უწევდა ბრძოლა მტრების წინააღმდეგ, რაგდან საქართველო ძალიან ლამაზი და მდიდარი ქვეყანაა და ყველა ცდილობდა მის დაპყრობას) -          გავიხსენოთ ჩვენი წინაპრები. რა თვისებებით გამოირჩეოდნენ ისინი?დავახასიათოთ ზედსართავი სახელებით.( სავარაუდო პასუხი იქნება: სამშობლოს მოყვარულები, გონიერები, თავდადებულები, სტუმართმოყვარეები, ერთგულები, სამშობლოს  მოყვარულები)- მასწავლებელი დაფაზე ჩამოწერს მოსწავლეების დასახელებულ ზედსართავსახელებს. -         გავიხსენოთ, რომელ სამშობლოსათვის თავდადებულ გმირებს ვიცნობთ? ( სავარაუდო პასუხი იქნება: ცხრა ძმა ხერხეულიძე,, სამასი თავდადებული ქართველი და  ა. შ.)     თუ ვერ დაასახელებენ, მასწავლებელი მათ ჩამონათვალს დაუმატებს, რომ მათ შორის იყო მღვდელი თევდორე. II ფაზა- კითხვის დროს. ( 13წთ ) აქტივობა N  6  -( მონაწილეობს ორივე კლასი) ( 4 წთ)  მასწავლებელი მოსწავლეებს აწვდის მცირე  ცნობებსაც ამ გმირის შესახებ. შემდეგ უჩვენებს ვიდეოს  მისამართზე-......https://www.youtube.com/watch?v=0elAuuffSvE-ვიდეო აქტივობაN7-   ახალი სიტყვები.  ( მონაწილეობს ორივე კლასი)( 3წთ) დაფაზე ასევე მაგრდება სიტყვის ბარათები, ახალი ლექსიკური ერთეულები ტექსტებიდან, რომლებიც გაკვეთილის განმავლობაში გაჟღერდება: თათრები - თურქული მოდგმის ხალხი.  ძველად ასე უწოდებდნენ მონღოლებს და საერთოდ, მაჰმადიანებს. გაშმაგებულნი -  ძალიან გაბრაზებულები.  წმინდანი - ღვთისმოსავი, ღვთისმსახური, რომელსაც სიკვდილის შემდეგ მიიჩნევენ მფარველად. ლეკები - საქართველოდ მოსაზღვრე ტერიტორიაზე მცხოვრები დაღესტნელი ტომები. აქტივობა N  7 -( მონაწილეობს ორივე კლასი)( 6წთ)  მასწავლებელი მე-3 კლასელებს ურიგებს ტექსტის შემოკლებულ ვარიანტს და სთხოვს ორივე კლასს ჩუმად წაიკითხონ ტექსტი და  მოინიშნონ თუ რა ინფორმაცია იყო განსხვავებული მოსმენილიდან  და შემდეგ გააკეთონ პრეზენტაცია. III ფაზა - წაკითხვის შემდეგ  ( 20 წთ) აქტივობა N  8 - დიფერენცირებული სწავლება.( მონაწილეობს ორივე კლასი) (8წთ) მასწავლებელი ყოფს წყვილებად მოსწავლეებს , ურიგებს წინასწარ გამზადებულ თაბახის ფურცლებს , რომელზეც შეკითხვებია ჩამოწერილი და სთხოვს წერილობით გასცენ კითხვებს პასუხები და შემდეგ გააკეთონ პრეზენტაცია.( მე- 3 კლასისათვის  კითხვები შერჩეულია , მათთვის გადაცემული ტექსტის შემოკლებული ვარიანტის შესაბამისად) ( I  წყვილი-მე-3კლასი) -         რა მოხდა მანგლისთან ახლოს? ( სავარაუდო პასუხი: მანგლისთან ახლოს, ერთ პატარა სოფელში თათრებმა შეიპყრეს მღვდელი თევდორე.) - -         რა პირობა წაუყენეს მღვდელს თათრებმა? ( სავარაუდო პასუხი: შენ უნდა წინ გაგვიძღვე, მოკლე გზით გვატარო და, რაც შეიძლება , მალე მიგვიყვანო მეფის ბინაზეო. თუ ამას შეგვისრულებ, დიდ საჩუქარს მიიღებ; ხოლო თუ უარზე დადგები, გტანჯავთ,გაწვალებთ და საშინელი სიკვდილი არ აგცდებაო.)     -  სად და რატომ ჩაშალეს ხიდი ქართველებმა?( სავარაუდო პასუხი:  თათრებმა გორისაკენ გასწიეს, უნდოდათ, ხიდზე გასულივნენ და ქალაქი დაერბიათ, მაგრამ გორელებმა დროზე ჩაშალეს ხიდი და თათრები გაღმა აღარ გაუშვეს.) (II წყვილი- მე-4 კლასი) -         ავტორი ამბობს: ,, თევდორე მღვდელი სწორედ ჯოჯოხეთის ცეცხლში ჩავარდა.“ ა) განმარტე ამ გამოთქმის შინაარსი. ( სავარაუდო პასუხი:  თევდორე მღვდელი დიდი გასაჭირში ჩავარდა.) ბ)  მოძებნე თექსტში ადგილი , სადაც ჩანს- რამ გამოიწვია ასეთი თანჯვა. ( სავარაუდო პასუხი: ,, თუ მტრის ნებას დაჰყვებოდა, მეფეს დაატყვევებდნენ და საქართველოს ააოხრებდნენ; თუ სამშობლოს ვერ გაიმეტებდა და მტერს უარს ეტყოდა , მას მოელოდა გამოუთქმელი ტანჯვა, წამებით სიკვდილი და ცოლ-შვილის დაობლება“) -         რატომ ამბობს  ავტორი , ბორჯომის ხეობაში შესული მტერი მახეში გაებაო? ( სავარაუდო პასუხი:  თათრებს უკნიდან ზემო ქართლელები მოსდევდნენ, , წინიდან კი დაუხვდათ მთავარი ჯარი ქართველებისა.)  (III წყვილი- მე-4 კლასი) -იპოვე ტექსტში და წაიკითხე წინადადება, რომელშიც ჩანს, რომ თევდორეს უცებ არ მიუღია გადაწყვეთილება. სავარაუდო პასუხი: ,, პირველ ხანებში მღვდელი ყოყმანმა შეიპყრო და ვერ გადაეჭრა, რომელ გზას დასდგომოდა.“) - იპოვე ტექსტში ადგილი, სადაც ჩანს . რომ ქართველებმა დრო მოიგეს. ( სავარაუდო პასუხი: ,, ქართველებმა მოასწრეს მტრის მოახლოების შეტყობა, სწრაფად შეყარეს ჯარი და შეებრძოლნენ მტერს.“) -  როგორ გამოხატა ქართველმა ერმა და ეკლესიამ პატივისცემა თევდორე მღვდლის მიმართ? ( სავარაუდო პასუხი:  ქართველმა ერმა და ეკლესიამ თევდორე მღვდელი წმინდანდად შერაცხა და მის ცოლ -შვილს მზრუნველობა აღმოუჩინა.)  - წაიკითხეთ ბოლო აბზაცი და შეაფასეთ, რა არის მწერლის მთავარი სათქმელი?( სავარაუდო პასუხი:  ქართველებმა ჩვენს მეზობელ ქვეყნებთან კეთილი , მეგობრული განწყობა უნდა ვიქონიოთ.) აქტივობა N9 (2წთ)  მასწავლებელი მოსწავლეებს აძლევს დავალებას , საქართველოს რუკაზე იპოვონ ადგილები, რომელიც ამ ტექსტში არის მოხსენიებული. აქტივობა N10(5წთ) მოსწავლეები ავსებენ პერსონაჟის  რუკას ჯგუფურად. აფასებენ საკუთარ მუშაობას. ახალი ლექსიკური ერთეულების ბარათებს ათავსებენ „ახალი სიტყვების სკივრში“.-
შეფასება  (5 წთ)-- განმავითარებელი: მოსწავლის შეფასება-მოსწავლის შეფასება მოხდება  გაკვეთილზე   ჩართულობის მიხედვით.  გაკვეთილის დასრულების შემდეგ: მოსწავლეების მიერ მასწავლებლის შეფასება https://padlet.com- ის    მეშვეობით.

                                            

  მოსწავლის გაკვეთილში ჩრთულობის შეფასების რუბრიკა

მოსწავლე

ყოველთვის მონაწილეობს და ხშირად წარმართავს კიდეც საკლასო მსჯელობას

ყოველთვის დამაჯერებლად და არგუმენტირებულად წარმოადგენს თავის მოსაზრებას.

უსმენს სხვებს და ამჟღავნებს სხვისი აზრის პატივისცემას.

ყოველთვის

ხშირად.

იშვიათად

არ შეესაბამებააა.

ყოველთვის

ხშირად.

იშვიათად

არ შეესაბამებ

ყოველთვის

ხშირად.

იშვიათად

არ შეესაბამებ

მასწავლებლის  თვითშეფასების რუბრიკა
კრიტერიუმები	დიახ	ნაწილობრივ	არა	შენიშვნა/ კომენტარი
მიაღწიეს თუ არა მოსწავლეებმა ესგ-ით გათვალისწინებულ შედეგს?
გამოყენებული სტრატეგიებით მივაღწიე მოსწავლეთა ინტერაქციას?
სააზროვნო დონეების მიხედვით გათვლილი შეკითხვებით გავედი მისაღწევ შედეგზე?
გაკვეთილის მსვლელობისას შევცვალე გაკვეთილის გეგმა?
რაზე მიმანიშნებს მოსწავლეთა ნამუშევრები/ პასუხები / ინტერაქცია; -----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

              რეფლექსია

სამოდელო გაკვეთილის რეფლექსია

საგანი: ქართული ენა

კლასი: ( კლასკომპლექტი)

პედაგოგი : შორენა მჭედლიძე

თარიღი: 18.12.2019

     

       ჩემ მიერ ჩატარებული გაკვეთილი III-IV  კლასში იყო სამოდელო, რომელიც   გამჭოლ კომპეტენციებზე იყო ორიენტირებული.

       გაკვეთილი წარიმართა  წინასწარ შედგენილი გაკვეთილის გეგმის მიხედვით. მის მთავარ მიზანს  წარმოადგენდა წინარე ცოდნის გააქტიურება, რტანსფერი, ნაწარმოების წაკითხვა, გააზრება და საკუთარი დამოკიდებულების გამოხატვა ტემის ტექსტის, ნაწარმოების პერსონაჟის  ქცევის შეფასება, საკუთარი თვალსაზრისის ახსნა.ახალი ლექსიკური ერთეულების ადეკვატურად გამოყენება.გაკვეთილის თემა ესადაგებოდა სასწავლო წლის პროგრამულ მასალას  და პასუხობდა  ეროვნული სასწავლო გეგმით გათვალისწინებულ სტანდარტს. მოსწავლეებსაც ჰქონდათ შესაბამისი წინარე ცოდნა, რომელიც არაჩვეულებრივად წარმოაჩინეს გაკვეთილის სამივე ფაზაში.
     III-IV  კლასელთათვის განსაკუთრებით მნიშვნელოვანია ტექსტის გაგება-გააზრებისათვის საჭირო სტრატეგიებისა და უნარ-ჩვევების დაუფლება. ჩემი, როგორც პედაგოგის მიზანი არის, მოსწავლეებს განუვითარო სააზროვნო უნარები. -შემოქმედებითი, მეტაკოგნითური, ტრანსფერის უნარები.  იმისათვის, რომ დასახული მიზნისთვის მიმეღწია და სწავლის პროცესი საინტერესო ყოფილიყო გაკვეთილზე გამოვიყენე რამდენიმე აქტივობა:
                                                                 გაკვეთილის პირველ  ფაზაში  გამოვიყენე აქტივობები:

 წინარე ცოდნის გასააქტიურებლად  გამოვიყენე რამდენიმე აქტივობა.
  1.  1-ლი   აქტივობა - პროექტორის  საშუალებით  ვუჩვენე ნაცნობი მულტფილმის  პერსონაჟები , რომლებიც  დაყვეს დადებით  და  უარყოფით  გმირებად .

2.   მეორე  აქტივობა  -  „ასოციაციური რუკის“ გამოყენება ; 

 
3. მესამე  და მეხუთე  აქტივობა- კითხვა-პასუხი;
                                                                      
4.  მე-4  აქტივობა - საშინაო დავალების გამოკითხვა.

ვფიქრობ,  მოსწავლეები  ხუთივე აქტივობაში აქტიურები იყვნენ. მათ კარგად, ადეკვატურად გამოიყენეს წინარე ცოდნა.  შეძლეს ადამიანური ურთიერთობების დახარისხება.  პასუხები  გაამყარეს არგუმენტებით.

რადგან  სხვა საგნიდან- ,,მე  და საზოგადოებიდან’’  ვსვამდი კითხვებს , საჭიროების შემთხვევაში, ვაძლევდი  მიმართულებას   ,რათ ა მისულიყვნენ  სწორ  განმარტებამდე.

                                                                      გაკვეთილის  მე-ორე  ფაზაში  გამოვიყენე  აქტივობები:
6. მე-6  აქტივობა -  ვიდეოს ჩვენება.   ვუჩვენე  ვიდეო , სადაც ამბავს  თევდორე მღვდლის შესახებ ყვება, დაახლოებით , მათი ასაკის  ბავშვი.

 ამ აქტივობას ვაფასებ დადებითად. მოსწავლეებმა დიდი ინტერესით ა და ყურადღებით  უყურეს   და, როგორც შემდეგი  აქტივობებიდან ჩანს,  გაიაზრეს  ვიდეოს შინაარსი.

7.  მე-7 აქტივობა- „ლექსიკურ  ერთეულებზე  მუშაობა“ -  ამ აქტივობის მიზანი  წინარე  ცოდნის  გააქტიურებასთან  ერთად  იყო  ისიც,  რომ  მოსწავლეებისათვის   კითხვის დაწყების პროცესში  უკვე  ყველა  სიტყვის  მნიშვნელობა  კარგად  უნდა  ყოფილიყო  ცნობილი  და  მათი ადეკვატურად    გამოყენებაც  შეძლებოდათ. ეს ყოველივე  მოსწავლეებმა  შეძლეს  ლექსიკური ერთეულების  მიხედვით.

                                                                       გაკვეთილის მესამე  ფაზაში გამოვიყენე აქტივობები

  8 . მე-8აქტივობა- დიფერენცირებული სწავლება : წაკითხულის გააზრების შესამოწმებლად,   III-IV  კლასელებისათვის  სხვადასხვა  დონის  შეკითხვები ახალი ინფორმაციის გასაანალიზებლად,   დასახარისხებლად  და  საუბარი ტექსტის შესახებ.

 9. მე-9 აქტივობა-პრაქტიკული სამუშაო, რუკაზე  იმ ადგილების  მოძებნა, რომელიც  ტექსტში იყო ნახსენები.

მოსწავლეებს ცოთა გაუჭირდათ ამ დავალების შესრულება, დაჭირდათ  ჩემი  მითითებები, მაგრამ, ვფიქობ , ამ აქტივობამ მეტი  ხალისი  და მოტივაცია  მისცა მოსწავლეებს. ( მოსწავლეებს ყოველთვის მოსწონთ პრაქტიკული სამუშაოები)

10. მე-10 აქტივობა - ( პერსონაჟის  რუკის  შევსება) -  აღნიშნულმა აქტივობამ  მოსწავლეებს  ხელი შეუწყო  დაეხარისხებინათ  ახალი  ინფორმაცია  და  გამოეკვეთათ  პერსონაჟთა  ძირითადი  თვისებები   და , რაც  მთავარია, დაესაბუთებინათ ტექსტიდან,. ( სამუშაო შეასრულეს  წყვილებში )

11. მე-11  აქტივობა  . მოსწავლის განმავითარებელი შეფასება, თვით შეფასება..საზიარო  დაფა- https://padlet.com  .  აღნიშნული  აქტივობის  მიზანი  მოსწავლეთა   აზრის  გათვალისწინება იყო  მომდევნო  გაკვეთილის  დაგეგმვისას.

გაკვეთილის დასაწყისში , მოსწავლეებს გავაცანი, თუ რა კრიტერიუმების მიხედვით  შეფასდებოდნენ.

გაკვეთილის მსვლელობი დროს,  ყველა აქტივობისას  ვ აკეთებდი ზეპირ  განმავითარებელ შეფასებას, ხოლო  გაკვეთილის  დასრულების შემდეგ,   მოსწავლეებმა   შეავსეს  თვითშეფასების რუკა, ხოლო შემდეგ მე შევაფასე.
      რაც  შეეხება  საგაკვეთილო პროცესის  მიმდინარეობას,  ვთვლი , რომ  გაკვეთილის ფაზები  დავიცავი, მითითებულ დროშიც ჩავეტიე .  მოსწავლეები  აქტიურად იყვნენ  ჩართულები ყველა აქტივობაში.  თუმცა , ნელი ინტერნეტის  გამო.   მცირე შეფერხება იყო  ვიდეოს  ჩვენების  დროს . ამიტომ, სანამ ინტერნეტი ჩაირთვებოდა ,რამოდენიმე  წინადადებით, მეტი  ინფორმაცია მივაწოდე ბავშვეს თევდორე მღვდელზე ,  ვიდრე გეგმაში მქონდა დათვლილი.

 რაც შეეხება  საზიარო დაფის - https://padlet.com  -ის გამოყენებას, გავითვალიწინე წინა გაკვეთილზე შექმნილი პრობლემა, ამიტომ გეგმაშივე მივუთითე, რომ მას  შეეავსებდნენ  გაკვეთილის დამთავრების  შემდეგ.

       ვერ გამოვყოფ  რომელი  აქტივობა უფრო  ინტერესით  შეასრულეს ბავშვებმა , რადგან  ვთვლი,  რომ  გაკვეთილის სამივე  ფაზაში  დიდი  პასუხისმგებლობით  მიუდგნენ  თითოეული აქტივობის  შესრულებას.  ბავშვები  გამოთქვამდნენ საკუთარ  აზრს, იცავდნენ ქცევის  წესებს ,  კლასში იყო პოზიტიური გარემო,  მოსწავლეები  ცდილობდნენ  დადებითი შთაბეჭდილება  მოეხდინათ  სტუმრებზე  და  ესიამოვნებინათ  მასწავლებელიც.  მოსწავლეები  ობიექტურები იყვნენ  თვითშეფასების დროს , რომელიც  თანამშრომლობითი და  საკომუნიკაციო  უნარების  განვითარების  მიზნით  გამოვიყენე. 
        ძალიან  ვცდილობდი  მოსწავლეები  თანაბრად  ყოფილიყვნენ  ჩართულები  საგაკვეთილო  პროცესში. ამაში,  ვფიქრობ, დამეხმარა დიფერენცირებული სწავლება.

       მიღებულ  გამოცდილებას  აუცილებლად  გავითვალისწინებ  მომავლისთვის.   . 

 სამოდელო გაკვეთილის გეგმა და რეფლექსია. ( მე-3)

პედაგოგი:  შორენა მჭედლიძე
საგანი:        ქართული ენა	კლასი:  III- IV - კლასები (კლასკომპლექტი)
თემა:                    III-კლასი -  თეორია- პერსონაჟი               IV- კლასი-იაკობ გოგებაშვილის ,, ერეკლე მეფე და ინგილო ქალი“	დრო:  45 წთ
გაკვეთილის ტიპი: გამჭოლი კომპეტენციების განვითარებაზე ორიენტირებული სამოდელო გაკვეთილი
მოსწავლეთა პროფილი:  III-კლასი - 2 მოსწავლე                                                   IV- კლასი- 3 მოსწავლე
მიზნები/ეროვნული სასწავლო გეგმის სტანდარტი. ქართ.დაწყ.(I).1 მოსწავლემ უნდა შეძლოს სათანადო სამეტყველო ქცევის გამოვლენა ნაცნობ საკომუნიკაციო სიტუაციაში. Ø  ადეკვატურად აღიქვამს ინფორმაციას; Ø  გადმოსცემს ინფორმაციას ნანახის, განცდილის შესახებ;   ქართ.დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა, გაგება-გააზრება და გადმოცემა. Ø  ამოიცნობს ტექსტში მოცემულ კონკრეტულ ინფორმაციას; Ø  ახარისხებს ტექსტში მოცემულ ინფორმაციას კონკრეტული ნიშან-თვისებების მიხედვით; Ø  ამოიცნობს ტექსტის სხვადასხვა მონაკვეთში ექსპლიციტურად მოცემულ სხვადასხვა ინფორმაციას, მათ შორის არსებულ ლოგიკურ (მიზეზშედეგობრივ, ოპოზიციურ, სხვ.) კავშირებს; ქართ.დაწყ.(I).3. მოსწავლემ უნდა შეძლოს პირადი დამოკიდებულების გამოხატვა ტექსტის თემის, მასში განხილული საკითხების მიმართ; მხატვრული ნაწარმოების პერსონაჟ(ებ)ის, მისი/მათი ქცევის შეფასება და საკუთარი თვალსაზრისის ახსნა. Ø  მარტივი გამოთქმებით („მომწონს / არ მომწონს“, „საინტერესოა / უინტერესოა“, „ვეთანხმები/ არ ვეთანხმები“, „ერთგულია / მოღალატეა“, „მამაცია / მხდალია“ და ა. შ.) აფასებს ნაწარმოებს, პერსონაჟებს, მათს საქციელს და ცდილობს საკუთარი მოსაზრების ახსნას („არ ვეთანხმები იმიტომ, რომ...“, „საინტერესოა იმით, რომ...“ და ა. შ.). ქართ.დაწყ.(I).4. მოსწავლემ უნდა შეძლოს ნაცნობი ლექსიკისა და ენობრივ-სინტაქსური კონსტრუქციების სათანადოდ გამოყენება; მართლმეტყველებისა და სამეტყველო ეტიკეტის საბაზისო ნორმების დაცვა. Ø  სწორად იყენებს პირის, ჩვენებით, კითხვით და უარყოფით ნაცვალსახელებს; Ø  მართებულად სვამს კითხვებს (ვინ...? რა...? როგორი...? რომელი...? რამდენი...?) და კითხვით წინადადებაში მახვილს სვამს კითხვით სიტყვებზე; Ø  სწორად უხამებს ზმნას სახელს პირსა და რიცხვში; მიზნისა და სამეტყველო სიტუაციის ადრესატის გათვალისწინებით ირჩევს შესაბამის სამეტყველო სტილს; -  ქართ.დაწყ.(I).5. მოსწავლემ უნდა შეძლოს  ზეპირმეტყველების ნაცნობი სტრატეგიების გამოყენება მიზნის შესაბამისად. Ø  იყენებს საყრდენებს/მინიშნებებს (მაგ., შეთავაზებული მარტივი გრაფიკული მაორგანიზებლების) ინფორმაციის დასახარისხებლად; ქართ.დაწყ.(I).6. მოსწავლემ უნდა შეძლოს გაწაფულად კითხვა. Ø  ხმამაღლა, თავისუფლად კითხულობს მასწავლებლის მიერ მითითებულ ეპიზოდს, მცირე ზომის ტექსტებს;   ქართ.დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა, გაგება-გააზრება და გადმოცემა. Ø  ამოიცნობს ტექსტში მოცემულ კონკრეტულ ინფორმაციას; Ø  ახარისხებს ტექსტში მოცემულ ინფორმაციას კონკრეტული ნიშან-თვისებების მიხედვით; Ø  ამოიცნობს ტექსტის სხვადასხვა მონაკვეთში ექსპლიციტურად მოცემულ სხვადასხვა ინფორმაციას, მათ შორის არსებულ ლოგიკურ (მიზეზშედეგობრივ, ოპოზიციურ, სხვ.) კავშირებს; ქართ.დაწყ.(I).7. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების წაკითხვა და გაგება-გააზრება; ტექსტში ვერბალური და არავერბალური ფორმით მოწოდებული ინფორმაციის (მაგ., ილუსტრაციისა და ტექსტის) ურთიერთადაკავშირება. Ø  მოიძიებს კონკრეტულ ინფორმაციას (მაგ., მოვლენათა, მოქმედებათა დროსა და ადგილს); Ø  აკავშირებს ერთმანეთთან ექსპლიციტურად მოცემულ ფაქტებს, მოვლენებს, მოქმედებებს და გამოაქვს სათანადო დასკვნები; Ø  ამოიცნობს ტექსტში გადმოცემულ მოვლენებს, ფაქტებს, მოქმედებებს შორის არსებულ ქრონოლოგიურ და ლოგიკურ (მიზეზშედეგობრივ, ოპოზიციურ, პირობით, დათმობით და სხვა) კავშირებს; Ø  აჯგუფებს ინფორმაციას კონკრეტული ნიშნით (მსგავსება-განსხვავების, მზარდი-კლებადი ხარისხისა და ა.შ. მიხედვით); Ø  ასახელებს მხატვრული ნაწარმოების მოქმედ პირებს, განსაზღვრავს ხედვის კუთხეს (ვისი თვალით არის აღქმული მოვლენები); Ø        მოსწავლემ შეძლოს წინარე ცოდნის გამოყენება, ტრანსფერი.      განუვითარდეს შემოქმედებითი და მეტაკოგნიტური უნარები.
გაკვეთილის ამოცანები/სწავლების შედეგები (ცოდნა, უნარ-ჩვევები, დამოკიდებულებები): ·         მოსწავლეები გაიაქტიურებენ წინარე ცოდნას .განივითარებენ ტრანსფერის უნარს. ·         მოსწავლეები გაეცნობიან ახალ ლიტერატურულ ნაწარმოებს და გამოხატავენ საკუთარ დამოკიდებულებას; ·         მოსწავლეები განივითარებენ სწორი და გამომეტყველებითი კითხვის უნარ-ჩვევას; ·         შეძლებენ ინფორმაციის დახარისხებას. ·         გაიმდიდრებენ ლექსიკური მარაგს და შეძლებენ ახალი ლექსიკური ერეულების  ადეკვატურად გამოყენებას; ·         შეძლებენ პერსონაჟის ძირითადი თვისებების გამოკვეთას, მათ დახასიათებას, დასაბუთებას ტექსტიდან და ინფორმაციის დახარისხებას; ·         განივითარებენ მარტივი ფუნქციური ნაწერის შექმნის უნარს; ·         მოსწავლეები შექმნიან მცირე ზომის ტექსტს;
მოსწავლეთა ორგანიზების ფორმები: მასწავლებელი მუშაობს მთელ კლასთან. მოსწავლეები მუშაობენ ინდივიდუალურად. მოსწავლეები მუშაობენ წყვილებში. მოსწავლეები მუშაობენ ჯგუფურად.
გაკვეთილზე გამოყენებული ძირითადი მეთოდები და აქტივობები: ü  „ასოციაციის რუკის“ მიხედვით წინარე ცოდნის გააქტიურება; ü  მინიპრეზენტაციები . ü  ახალი ლექსიკური ერთეულების შემოხაზვა ტექსტში; ü  პერსონაჟის რუკის შევსება; ü  მცირე საკლასო დისკუსია; ü  ტექსტში არსებითი ინფორმაციის გამოკვეთა;
სასწავლო მასალა და რესურსები (ტექსტი, თვალსაჩინოება, მულტიმედია, ინტერნეტრესურსი და სხვა) ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-3  კლასის სახელმძღვანელო ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-4  კლასის სახელმძღვანელო მასწავლებლის მეთოდური სახელმძღვანელო -  ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-3  კლასი. ნ. გორდელაძე, თ.კუხიანიძე, ნ.ნაფეტვარიძე, თ. გაბისონია - მე-4  კლასი ბუკი.        G-PRIED-ის სასწავლო-მითოდოლოგიური რესურსების კრებული ,,კითხვისა და წერის სწავლება დაწყებით საფეხურზე“ (I-VI კლ.)   ვიზუალური სქემები და გრაფიკული ორგანიზატორები  ვიდეო-სესიები, პორტალი ,,კარგი სკოლა“  კომპიუტერი, პროექტორი ვიდეო პორტაი - https://www.myvideo.ge/v/1646316 პროგრამები:  power point დაფა, ცარცი, ფანქარი,  თაბახის ფურცელი, ფლირჩარტი
გაკვეთილის მსვლელობა
I ფაზა - წაკითხვისთვის მომზადება    ( 10 წთ )                       პროექტორის გამოყენებით თემისა და მიზნის გაცნობა( 2 წთ) აქტივობა N1-  წინარე ცოდნის გააქტიურება.  ( მონაწილეობს ორივე კლასი) ( 3 წთ) ( წინარე ცოდნა- მოსწავლეებს შეუძლიათ უცხო ტექსტის დამოუკიდებლად წაკითხვა-გააზრება, კითხვის დასმა, აქვთ პერსონაჟის დახასიათების უნარ-ჩვევები. იცნობენ საქართველოს მეფეებს, ფლობენ მცირე ინფორმაცას მათზე. იციან რომელი ქვეყნები ესაზღვრება საქართველოს, ფლობენ ინფორმაციას, საქართველოს ფარგლებს გარეთ მცხოვრებ ქართველებზე.) მასწავლებელი თემისა და მიზნის გაცნობის შემდეგ პროექტორის საშუალებით აჩვენებს ერეკლე მეფის სურათს. და სვამს კითხვებს: -         რომელი მეფეა სურათზე? -         რა ვიცით ერეკლე მეფეზე? ( მოსწავლეთა პასუხებს, მასწავლებელი თავად შეავსებს.) -         რა მდგომარეობა იყო ერეკლე მეფის დროს საქართველოში. -         რომელი ქვეყნები ესაზღვრება საქართველოს? და სთხოვს მოსწავლეებს  რუკაზე აჩვენოს საქართველო და მისი მოსაზღვრე ქვენები. -         როგორ გესმით ინგილო ქალი? ( სავარაუდოდ, ბავშვები იტყვიან, რომ ეს სადაურობის აღმნიშვნელია, თუ არადა , თავად მასწავლებელი განუმარტავს .) მასწავლებელი გაახსენებს წინა წელს ნასწავლ გაკვეთილს ,,საინგილო“ და სთხოვს მოსწავლეებს  დაახასიათონ ინგილოები. ( ,,ინგილოები გამოირჩევიან კარგი სიტყვა-პასუხით. ისინი არამც თუ თვითონ არ ილანძღებიან, სხვისიც სძულთ ეს ნაკლოვანება. ლაქუცი, ფეხქვეშ გაგება ძლიერ ეჯავრებათ და  ძალზე უყვართ თავისუფლება.“-,,საინგილო“ იაკობ გოგებაშვილის მიხედვით.) აქტივობაN2- საინგილო-მინი ლექცია- მონაწილეობს ორივე კლასი)( 2 წთ)  პროექტორის საშუალებით  მასწავლებელი ეკრანზე გაუშვებს myvideo.ge-ზე მოძიებულ ვიდეო პრეზენტაციას ( ფოტომასალას  - https://www.myvideo.ge/v/1646316)  და  , პარალელურად, მინი ლექციის მეშვეობით ესაუბრება  მის ისტორიაზე... უხსნის, რომ ეს უძველესი ქართული ისტორიული მხარე, საინგილო, კახეთის აღმოსავლეთით მდებარეობს და დღეს აზერბაიჯანს ეკუთვნის. აქ მცხოვრები ქართველთაგან უმრავლესობა მაჰმადიანია, მხოლოდ მცირე ნაწილია ქრისტიანი. მიუხედავად ყველაფრისა, იქ მცხოვრები ქართველები მაინც ცდილობენ ქართული ადათ-წესებისა და სარწმუნოების შენარჩუნებას. არ ივიწყებენ ქართულ ენასა და თავსაც ნამდვილ ქართველებად მიიჩნევენ, ისინი ხომ ბოლონი არიან, ვინც საქართველოს ამ ძირძველ კუთხეში ქართულ სულს აცოცხლებენ.  ( მასწავლებელი  რუკაზე აჩვენებს , თუ სად მდებარეობს საინგილო.) აქტივობაN 3-   ახალი სიტყვები.  ( მონაწილეობს ორივე კლასი)( 3წთ) დაფაზე ასევე მაგრდება სიტყვის ბარათები, ახალი ლექსიკური ერთეულები ტექსტებიდან, რომლებიც გაკვეთილის განმავლობაში გაჟღერდება: ლეკები-საქართველოს მეზობლად, დაღესტნის ტერიტორიაზე მცხოვრები ხალხი.  ბედაური-  წვივმაგარი ცხენი დამკრახული- კარგად დამწიფებული ბღუჯა-  რაც ეთ მუჭში ჩაეტევა ბარაქალა!- ყოჩაღ! ჭარბი- მეტი ჩინებული- საუკეთესო ჯიბეში ჩაიჩხრიალა- ჯიბეში ჩაიყარა  ნეტარება- სიამოვნება რომლებიც სათითაოდ დამუშავდება, ჯგუფურად დგება სავარაუდო წინადადებები ტექსტიდან, ხდება მათი პრეზენტაცია და პირველი ფაზის შეფასება. ( როგორ მოგეწონათ აქტივობა, ვინ იყო აქტიური? პასიური?) II ფაზა- კითხვის დროს. ( 5 წთ ) აქტივობა N  4 -ტექსტის წაკითხვა გაგრძელებით.( მონაწილეობს ორივე კლასი)( 5წთ) მასწავლებელი მესამე კლასელებს ურიგებს თაბახზე  დაბეჭდილ ტექსტს, ხოლო მეოთხე კლასელებს სთხოვს , გადაშალონ სახელმძღვანელოები  და აბზაც- აბზაც  წაიკითხონ მოთხრობა ,, ერეკლე მეფე და ინგილო ქალი“. მოინიშნონ სიტყვები, რომლებიც მათთვის გაუგებარი იქნება. III ფაზა - წაკითხვის შემდეგ  ( 30 წთ) აქტივობა N  5- კითხვა-პასუხი - მონაწილეობს ორივე კლასი. ( 4 წთ) წაკითხულის გააზრების შესამოწმებლად, მასწავლებელი სხვადასხვა დონის შეკითხვებით აანალიზებინებს  მოსწავლეებს ახალ ინფორმაციას, ახარისხებენ მათ, საუბრობენ ტექსტის შესახებ: -რომელი  ომიდან  ბრუნდებოდა  გამარჯვებული  მეფე? - რა  მოულოდნელობა  დაატყდა  მეფეს  თავს  საინგილოს  სოფელში? - რა რეაქცია ჰქონდათ მეფის მხლებლებს გოგონას საქციელზე? საიდან ჩანს? -რით  გაამართლა  მეფემ  ინგილო  ქალის  საქციელი? -რა  პიროვნულ  თვისებას  ამჟღავნებს  მეფე  ამ  ეპიზოდში,  როგორ  ადამიანად  წარმოგვიდგება  იგი? -როგორ  მოიქცა  ინგილო  გოგონა?  - მწერალი  წერს :,,მეფემ  დაძრა  თავისი  ბედაური  და  ჯერ  კიდევ  თავმოხდილი გაუძღვა  ჯარს’’. თქვენი  აზრით,  რატომ  გამახვილდა  ყურადღება  სიტყვაზე   ,,თავმოხდილი’’? -მეფის  წასვლის  შემდეგ  რა  ექცა  ,,გულითად  მეგობრად’’  პატარა  ქალს? რა გავიგეთ იმდროინდელი საქართველოს შესახებ? -ინგილო  გოგონას  საქციელით  თუ  ვიმსჯელებთ  როგორი  ყოფილა  მაშინდელი  ქართველების  დამოკიდებულება  მეფის  მიმართ? აქტივობა N  6 ტექსტის გაგება გააზრება-მონაწილეობს ორივე კლასი ( 4 წთ) მასწავლებელი მოსწავლეებს ყოფს ორ  ჯგუფებად და ურიგებს  წინასწარ გამზადებულ დავალების ბარათებს, რომლებზეც წერია: ·         დაუსვი კითხვა ერეკლე მეფეს. ·         დაუსვი კითხვა ინგილო ქალს. მოსწავლეები ასრულებენ დავალება და აკეთებენ პრეზენტაციას.. ერთი ჯგუფის  გამოსვლის დროს, მასწავლებელი დანარჩენებს აძლევს მითითებას, შეაფასონ რამდენად სრულყოფილად შეასრულა ჯგუფმა მოცემული დავალება.( რამდენად გამოყვეს მთავარი, მსჯელობდნენ თუ არა არგუმენტირებულად და . ა.შ.) აქტივობა N7 ტექსტზე მუშაობა- მონაწილეობს ორივე კლასი) ( 4 წთ)   მასწავლებელი მოსწავლეებს „გამოკრებით კითხვის“ საშუალებით სთხოვს მოძებნონ ადგილი და წაიკითხონ , სადაც აღწერილია:  ა) ერეკლე მეფისა  და ინგილო ქალის შეხვედრის ადგილი. ბ) ინგილო ქალის სიმამაცე. გ) ერეკლე მეფის გულუხვობა;  აქტივობა N  8 - დიფერენცირებული სწავლება.( მონაწილეობს ორივე კლასი) (4 წთ) მასწავლებელი ყოფს ჯგუფებად  მოსწავლეებს( სულ- ორ ჯგუფი) ,  ურიგებს წინასწარ გამზადებულ თაბახის ფურცლებს , რომლებზეც შემდეგი დავალებაა მოცმული: -იპოვეთ ტექსტსი 5 ზედსართვი და მიუწერეთ შესაფერისი არსებითი სახელი ( მე-3 კლასი)  იპვეთ ტექსტში  5 ზმნისზედა და მიუწერეთ შესაბამისი ზმნები.  (მე-4 კლასი) ( სავარაუდოდ- ზედსართავი სახელი ზმნისზედა მშვენიერი ბედაური ძლიერ დაამარცხა პატარა ქალი ფეხდაფეხ მისდებდა სახელოვანი მეფე წამსვე წამოიჭრნენ სპარსული ქუდი მაღლა ავიდა თეთრი ფული გულიანად გადაიხარხარა ) აქტივობა N9 (4 წთ)  ( ჯგუფური) მასწავლებელი ავალებს  დანომრონ აბზაცები და დაასათაურონ, ხოლო მასწავლებელს მათი პასუხები გადააქვს ფლირჩარზე. აქტივობა N10 (5 წთ) მასწავლებელი სვამს შეკითხვას:  -რას ეწოდება პერსონაჟი? ( სავარაუდოდ მეოთხე კლასელები უპასუხებენ, თუ არა მასწავლებელი განმარტავს- პერსონაჟი ფრანგული სიტყვაა  და ნაწარმოებში მოქმედ გმირს ეწოდება. მწერალს თვიანთ ნაწარმოებში შემოჰყავთ როგორც მთვარი, ისე არამთვარი პერსონაჯებიც.) - ვინ არიან ნაწარმოების პერსონაჟები? -. რატომ შეაქო მეფემ ინგილო გოგონა?  მასწავლებელი ყოფს მოსწავლეებს ჯგუფებად , უნაწილებს პერსონაჯებს და სთხოვს, მოძებნონ ტექსტში ამ პერსონაჟის დამახასიათებელი ეპიზოდები და შეავსონ მასწავლემლის მიერ წინასწარ გამზადებული ცხრილი(პერსონაჟის რუკა, რომელიც შედგება შემდეგი კითხვებისაგან.-  როგორ გამოიყურება პერსონაჟი? რას აკეთებს? როგორ იქცევა? პერსონაჟის გრძნობები?  როგორია იგი დასაწყისში?  როგორია ბოლოს? რატომ შეიცვალა ?)   მასწავლებელი მოსწავლეების მიერ შევსებულ ცხრილს გამოაკრავს თვალსაჩინო ადრილას. მოსწავლეები საუბრობენ თავიანთ ნამუშევარზე. დანარჩენი მოსწავლეები და მასწავლებელი ავსებენ მათ ნათქვამს. აქტივობა...  მასწავლებელი ესაუბრება მოსწავლეებს იმის შესახე, თუ რა მნიშვნელობა აქვს პერსონაჟის თვისებების ცოდნას იმის შესახებ, რატომ იქცევა ის ასე; და პირიქით, ქცევით ამოვიცნობთ მათ თვისებას. .  აქტივობა N11(2წთ) შეფასება  (3 წთ)-- განმავითარებელი: მოსწავლის შეფასება-მოსწავლის შეფასება მოხდება  გაკვეთილზე   ჩართულობის მიხედვით.   მოსწავლეები აფასებენ საკუთარ მუშაობას. ახალი ლექსიკური ერთეულების ბარათებს ათავსებენ „ახალი სიტყვების სკივრში“.-
აქტივობა N12 საშინაო დავალება. (2 წთ) მასწავლებელი მესამე კლასს აძლვს დავალებას- პერსონაჟის რუკის კითხვების დახმარებით შეასრულონ სახელმძღვანელოში  გვ. 70. დავალება N 5. მე-4 კლასს- სახელმძღვანელოში გვ. 96. დავალება N 2. გაკვეთილის დასრულების შემდეგ: მოსწავლეების მიერ მასწავლებლის შეფასება https://padlet.com- ის    მეშვეობით.

  რეფლექსია 

სამოდელო გაკვეთილის რეფლექსია

საგანი: ქართული ენა

კლასი: ( III-IV-კლასკომპლექტი)

პედაგოგი : შორენა მჭედლიძე

თარიღი: 22.05.2019

     

       ჩემ მიერ ჩატარებული გაკვეთილი III-IV  კლასში იყო სამოდელო, რომელიც   გამჭოლ კომპეტენციებზე იყო ორიენტირებული.

       გაკვეთილი წარიმართა  წინასწარ შედგენილი გაკვეთილის გეგმის მიხედვით. მის მთავარ მიზანს  წარმოადგენდა წინარე ცოდნის გააქტიურება, რტანსფერი, ნაწარმოების წაკითხვა, გააზრება და საკუთარი დამოკიდებულების გამოხატვა თემის ტექსტის, ნაწარმოების პერსონაჟის  ქცევის შეფასება, დახასიათება, საკუთარი თვალსაზრისის ახსნა. ახალი ლექსიკური ერთეულების ადეკვატურად გამოყენება.გაკვეთილის თემა ესადაგებოდა სასწავლო წლის პროგრამულ მასალას  და პასუხობდა  ეროვნული სასწავლო გეგმით გათვალისწინებულ სტანდარტს. მოსწავლეებსაც ჰქონდათ შესაბამისი წინარე ცოდნა, რომელიც არაჩვეულებრივად წარმოაჩინეს გაკვეთილის სამივე ფაზაში.
     III-IV  კლასელთათვის განსაკუთრებით მნიშვნელოვანია ტექსტის გაგება-გააზრებისათვის საჭირო სტრატეგიებისა და უნარ-ჩვევების დაუფლება. ჩემი, როგორც პედაგოგის მიზანი არის, მოსწავლეებს განუვითარო სააზროვნო უნარები. -შემოქმედებითი, მეტაკოგნითური, ტრანსფერის უნარები.  იმისათვის, რომ დასახული მიზნისთვის მიმეღწია და სწავლის პროცესი საინტერესო ყოფილიყო გაკვეთილზე გამოვიყენე რამდენიმე აქტივობა:
                                                                 გაკვეთილის პირველ  ფაზაში  გამოვიყენე აქტივობები:

 წინარე ცოდნის გასააქტიურებლად  გამოვიყენე რამდენიმე აქტივობა.
  1.  1-ლი   აქტივობა - პროექტორის  საშუალებით  ვუჩვენე  ერეკლე მეფის სურათი და კითხვა-პასუხით შევეცადე  გამეაქტიურებინა მათი წინარე  ცოდნა.- რა იცოდნენ ერეკლე მეფის , იმდროინდელი  საქართველოს შესახებ, როგორი თვისებებით  გამოირჩეოდნენ  ინგილოები.   იმისათვის , რომ მოსწავლეებისაგან  მიმეღო  სრული, დამაკმაყოფილებელი ინფორმაცია, დამჭირდა  დამატებით  რამდენიმე  კითხვის დასმა.

2.   მეორე  აქტივობა - მინი ლექცია. myvideo.ge-ზე მოვიძიე ვიდეო, რომელიც აწყობილი იყო  საინგილოს სურათებით ( https://www.myvideo.ge/v/1646316), პროექტორით გავუშვი ეკრანზე და, სანამ ვიდეო მიდიოდა, მინი ლექციით მივაწოდე მოსწავლეებს მოკლე დამატებითი ინფორმაცია საინგილოს შესახებ.

 
3. მესამე   აქტივობა- - ლექსიკურ  ერთეულებზე  მუშაობა -  ამ  აქტივობის მიზანი  წინარე  ცოდნის  გააქტიურებასთან  ერთად  იყო  ისიც,  რომ  მოსწავლეებისათვის   კითხვის  დაწყების  პროცესში  უკვე  ყველა  სიტყვის  მნიშვნელობა  კარგად  უნდა  ყოფილიყო  ცნობილი  და  მათი  ადეკვატურად    გამოყენებაც  შესძლებოდათ.    წინასწარ  გამზადებული  სიტყვის  ბარათები დავამაგრე  დაფაზე.   სათითაოდ  დავამუშავეთ  თითოეული  სიტყვა  და  მოსწავლეებმა  შეადგინეს   სავარაუდო  წინადადებები  ტექსტიდან.

                                                                      

გაკვეთილის  მე-ორე  ფაზაში  გამოვიყენე  აქტივობები:

4.  მეოთხე   აქტივობა-  ტექსტის  წაკითხვა  გაგრძელებით.

მოსწავლეებმა  აბზაც- აბზაც წაიკითხეს მოთხრობა.

გაკვეთილის მესამე  ფაზაში გამოვიყენე აქტივობები:

5.  მეხუთე  აქტივობა-  წაკითხულის გაგება-გააზრებისთვის გამოვიყენე კითხვა-პასუხი,

დავუსვი მოსწავლეებს კითხვები ტექსტის  შინაარსიდან გამომდინარე.  პასუხების დროს ,  მოსწავლეები  იშველიებდნენ ადგილებს  ტექსტიდან  და  აფიქსირებდნენ  საკუთარ  დამიოკიდებულებას  ამა  თუ  იმ  მოვლენისა  და პერსონაჟის  მიმართ.
6. მეექვსე   აქტივობა -   მოსწავლეები დავყავი  ჯგუფებად და   დავურიგე  წინასწარ  გამზადებული  დავალების  ბარათები. უნდა დაესსვათ კითხვები ერეკლე მეფისა  და ინგილო  ქალისათვის.

 ამ აქტივობას ვაფასებ დადებითად. მოსწავლეებმა  დასვეს  სწორად  ფორმირებული შეკითხვები, გამოიყენეს კითხვითი სიტყვები.

7.  მე-7 აქტივობა- ტექსტზე  მუშაობა.   მოსწავლეებს  მივეცი  დავალება-  მოეძებნათ   ტექსტში   მეფისა და ინგილო ქ ალის  შეხვედრის  ადგილის  აღწერა,  ინგილო ქ ალის  სიმამაცე,  ერეკლე მეფის  გულუხვობა.

მოსწავლეებმა  აღნიშნულ დავალებას  კარგად  გაართვეს თავი.

                                                                      

  8 . მერვე  აქტივობა- დიფერენცირებული სწავლება :  მესამე კლასის მოსწავლეებმა მოძებნეს ტექსტძში ზედსართავი სახელები და  დააწყვილეს შესაბამის  არსებით  სახელებთნ,  მეოთხე კლასის მოსწავლეებმა  - ზმნისზედები  და  დააწყვილეს შესაბამის ზმნებთნ.

 9. მეცხრე აქტივობა-მოსწავლეებმა  შეურჩეს  თითო  აბზაცს  თითო  სათაური , ხოლო  მე  ვწერდი  ფლირჩატზე.  აქტივობაში  ჩართული  იყო ყველა მოსწავლე

10. მეათე  აქტივობა -  პერსონაჟის  რუკის  შევსება) -  მეოთხე  კლასის  დახმარებით,  განვმარტეთ  რას ეწოდება პერსონაჟი  და  მოსწავლეებმა  მოძებნეს ტექსტში შესაფერისი ადგილები  და  შეავსეს წინასწარ  გამზადებული პერსონაჟის  რუკა. (აღნიშნულმა აქტივობამ  მოსწავლეებს  ხელი შეუწყო  დაეხარისხებინათ  ახალი  ინფორმაცია  და  გამოეკვეთათ  პერსონაჟთა  ძირითადი  თვისებები   და , რაც  მთავარია, დაესაბუთებინათ ტექსტიდან.  სამუშაო შეასრულეს  წყვილებში )

11. მე-11  აქტივობა  . მოსწავლის განმავითარებელი შეფასება, თვით შეფასება.. 

            გაკვეთილის დასაწყისში , მოსწავლეებს გავაცანი, თუ რა კრიტერიუმების მიხედვით  შეფასდებოდნენ.

  გაკვეთილის მსვლელობი დროს,  ყველა აქტივობისას  ვ აკეთებდი ზეპირ  განმავითარებელ შეფასებას
      რაც  შეეხება  საგაკვეთილო პროცესის  მიმდინარეობას,  ვთვლი , რომ  გაკვეთილის ფაზები  დავიცავი, მითითებულ დროშიც ჩავეტიე .  მოსწავლეები  აქტიურად იყვნენ  ჩართულები ყველა აქტივობაში.    იმისათვის , რომ მიზნისთვის მიმეღწია, მომიწია დამატებითი კითხვების დასმა . გაკვეთილის მსვლელობის დროს ვიყენებში  PP-ს .  მისი დახმარებით გავაცანი მოსწავლეებს გაკვეთილის თემა,  მიზნები, კრიტერიუმები, თუ რის მიხედვით შეფასდებოდნენ ისინი. ვაზლევდი დავალებას.

       ვერ გამოვყოფ  რომელი  აქტივობა უფრო  ინტერესით  შეასრულეს ბავშვებმა , რადგან  ვთვლი,  რომ  გაკვეთილის სამივე  ფაზაში  დიდი  პასუხისმგებლობით  მიუდგნენ  თითოეული აქტივობის  შესრულებას.  ბავშვები  გამოთქვამდნენ საკუთარ  აზრს, იცავდნენ ქცევის  წესებს ,  კლასში იყო პოზიტიური გარემო,  მოსწავლეები  ცდილობდნენ  დადებითი შთაბეჭდილება  მოეხდინათ  სტუმრებზე  და  ესიამოვნებინათ  მასწავლებელიც.  მოსწავლეები  ობიექტურები იყვნენ  თვითშეფასების დროს , რომელიც  თანამშრომლობითი და  საკომუნიკაციო  უნარების  განვითარების  მიზნით  გამოვიყენე. 
        ძალიან  ვცდილობდი  მოსწავლეები  თანაბრად  ყოფილიყვნენ  ჩართულები  საგაკვეთილო  პროცესში. ამაში,  ვფიქრობ, დამეხმარა დიფერენცირებული სწავლება.

       მიღებულ  გამოცდილებას  აუცილებლად  გავითვალისწინებ  მომავლისთვის.   .